VULTUNNA

VULTUNNA

seu VULTONIA, fluv. Aquitaniae, per fines Santonum fluit, ex Pictonibus ortus, ac per Engeriacum oppid. in Carantonum abit, la Boutonne vulgo. Et quidem, sincerô hôc nomine nuncupatus reperitur in Tabulario Angeriacensi; in Gestis Consulum Andegavensium Vultona dicitur. Ultimus auget Carantonum, alluitque Secundiniacum Secondigny, Cisacum Chizay, Insula l'Isle, Avallem Availle, Verventum, Angeriacum oppid. Monasteriô suô illustre, Tauniacum ad Vultonnam Tonay Bontonne, et Vallem la Vallee: tum apud locum nomine Portum Port, in Carantonum, influens. Monachus Maioris Monasterii qui Gesta praefata ante annos 500. scripsit, vicum seu castrum ad fontem eius positum vocat Caput Vultonae Che Boutonne. Vide Hadr. Vales, in voce Carantonus.